Doutora en Estudos Medievais pola Universidade de Santiago de Compostela (2017), onde tamén cursou o máster en Estudos Medievais Europeos: Imaxes, Textos e Contextos. Na actualidade é profesora axudante doutora na área de Historia Medieval do Departamento de Historia da Universidade de Santiago de Compostela. Con anterioridade foi profesora axudante doutora no Departamento de Historia Antigua y Medieval da Universidad de Valladolid (curso 2022-2023).
A súa tese de doutoramento centrouse no estudo do territorio do noroccidente peninsular, principalmente o galego, durante os séculos centrais da Idade Media. Continuou con esta liña de investigación na súa etapa posdoutoral, na que foi beneficiaria entre outubro de 2018 e agosto de 2022 dunha axuda da Xunta de Galicia (plan I2C) que lle posibilitou realizar estancias de longa duración como investigadora visitante no Institute for Medieval Studies (Austrian Academy of Sciences, Austria) baixo supervisión do Dr. Mihailo Popović, e na School of History and Cultures da University of Birmingham (Reino Unido), baixo supervisión da Dr. Katherine Sykes. Durante esta etapa continuou formándose en cuestións relacionadas coas Humanidades Dixitais, principalmente en aspectos vinculados coa cartografía e as bases de datos. Ademais, estivo contratada como investigadora asociada con cargo ao proxecto “O Papado e as súas relacións coa sociedade e os reinos da Península Ibérica (ss. VIII-XIII): protagonistas, tipos de contactos, problemas e consecuencias integradoras (I)-RETOS 2015” (2018).
É membro do grupo de investigación “Síncrisis, Investigación en Formas Culturais” da Universidade de Santiago de Compostela, e colaboradora externa do grupo de investigación “León y Castilla en la Alta y Plena Edad Media”, da Universidad de Valladolid. Forma parte do grupo de investigación do proxecto CODOLGA (Corpus Documentale Latinum Gallaeciae), do Centro Ramón Piñeiro de Investigación en Humanidades, responsable da base de datos homónima (https://corpus.cirp.gal/codolga/) e do recurso FONTEGAM (Fontes Textuais da Galicia Medieval) en colaboración co CGPA (Corpus Galego-Portugués Antigo) (https://corpus.cirp.gal/fontegam/).
Ademais, forma parte do grupo de traballo do proxecto “Castillae Metrum: Cartografía Dixital dos sistemas metrolóxicos na Castela Moderna” (Ref. PID-2020-118939GA-I00, IP Rubén Castro Redondo) (https://castillaemetrum.unican.es/).
Enlace ao portal de investigación: https://investigacion.usc.gal/investigadores/58387/detalle
MARIÑA BERMÚDEZ BELOSO