(Santiago de Compostela, 1976). Doutor en Historia Medieval, é actualmente Profesor Permanente Laboral de Historia Medieval na Universidade de Santiago de Compostela. Foi profesor de Historia Medieval na Universidade de Vigo (2018-2020, e é profesor-titor de Historia Medieval na UNED no Centro Asociado de Pontevedra desde 2010. Foi técnico medievalista no Arquivo-Biblioteca da Catedral de Santiago e director da súa Área de Documentación Medieval (2009-2022). Levou a cabo estancias de docencia na Università RomaTre e de investigación no Arquivo Apostólico Vaticano. Mantén unha actividade investigadora arredor da sociedade, mentalidade e poder na Idade Media, con especial centro na Galicia medieval. É autor das monografías Tiempo y viaje en la Compostela medieval. Estudios sobre tiempo, individuo y peregrinación en la Edad Media (2024), Alfonso de Cartagena. Política, cultura y sociedad en Santiago de Compostela (1415-1435) (2022), Iglesia y mentalidad y vida cotidiana en la Compostela medieval (2019), entre otros, así como de diversos artigos especializados en revistas como Journal of Medieval Iberian Studies, Anuario de Estudios Medievales, Annuarium Historiae Pontificae ou Studia Historica. Historia Medieval.
PORTAL INVESTIGACIÓN USC: https://investigacion.usc.gal/investigadores/258013/detalle