Graduada en Dereito (2018-2022) pola Universidade de Santiago de Compostela (USC) e especializada en Ciencias da Antigüidade tras a realización do Máster Interuniversitario de Arqueoloxía e Ciencias da Antigüidade promovido pola citada universidade, a Universidade da Coruña (UDC), a Universidade de Vigo (UVigo) e en colaboración co CSIC-Incipit. Actualmente, realiza a súa tese doutoral en Dereito romano dentro do Programa de Doutoramento en Dereito pola USC baixo o título de “A dilación indebida ante a falta de cumprimento. Un estudo da mora no Dereito de obrigas romano”.

O seu estudo céntrase na figura da mora, entendida como o retraso que se produce no cumprimento de toda clase de obrigas e pode ser imputable tanto ao debedor como ao acredor. En suma, a súa investigación trata as consecuencias que produciu esta figura xurídica nas relacións obrigacionais e o seu impacto actual, con especial atención aos testemuños dos xuristas e as fontes clásicas, co fin de reconstruír un concepto que transcendeu no tempo e que puxo as bases sobre o favor debitoris e os intereses nas débedas.

Grupo de investigación: Síncrisis. Investigación en formas culturais.

Investigadora Predoutoral (IFP)

ORCID: https://orcid.org/0009-0003-2213-2725