HELENA DE CARLOS VILLAMARÍN

Catedrática de Filoloxía Latina na USC dende febreiro de 2023, desenvolvín a miña carreira docente e investigadora vinculada a esta Universidade, pero realicei estadías prolongadas noutros centros, como na sede da SISMEL en Florencia, ou na Universidade de Freiburg. Fun tamén Visiting Researcher na Università degli Studi di Udine. As miñas liñas de investigación teñen como núcleo a transmisión dos textos e do legado cultural antigo na Idade Media, base dende a que estudei aspectos da historiografía medieval, da obra de Isidoro de Sevilla ou, máis recentemente, do labor de Afonso X o Sabio. Interésame a vicisitude dos manuscritos nos que se copia a literatura antiga, nomeadamente a relativa á materia de Troia; durante vinte anos codirixín a revista Troianalexandrina, Anuario sobre literatura medieval de materia clásica, editada por Brepols. Actualmente céntrome, por unha parte, na presenza dos autores clásicos na obra de Afonso X, e por outra, no labor dos hispani asentados en Lyon no século IX e nos manuscritos asociados a eles.
https://investigacion.usc.gal/investigadores/58733/detalle

Catedrática de Universidade