Graduada en Historia da Arte pola USC (2019-2023), cursou o Máster en Arqueoloxía e Ciencias da Antigüidade na mesma universidade (2023-2024). Actualmente realiza a súa tese no programa de doutoramento de Historia, Xeografía e Historia da Arte na Universidade de Santiago de Compostela, baixo a dirección da profesora Fátima Díez Platas. As súas liñas de investigación céntranse en iconografía grega e a linguaxe visual da cerámica ática. O seu proxecto de tese titúlase “A astucia do artesán: as ambigüidades visuais na cerámica ática” e a súa investigación doutoral enfócase na análise das diferentes estratexias mediante as cales a linguaxe visual da cerámica ática constrúe imaxes ambiguas que desestabilizan a percepción da representación e do seu soporte e, deste modo, exhiben a astucia e destreza técnica de pintores e oleiros.
Grupo de investigación: Síncrisis. Investigación en Formas Culturais