Conferencia de Aurora González Artigao (24 maio 2018)

O último seminario deste curso estará dedicado á cultura árabe medieval, da man da investigadora do Instituto de Lenguas y Culturas del Mediterráneo y Oriente Próximo (CCHS-CSIC) Aurora González Artigao.

 

O seminario centrarase na dinastía dos Banū Hūd, da Marca Superior, familia que estivo no poder desde o ano 1039 até a chegada dos almorávides no 1111. Xunto coas taifas de Sevilla e Toledo, converteuse nun dos emiratos máis grandes e con maior estabilidade ao longo de todo o século XI, de aí a importancia do estudo do discursos e das manifestacións de soberanía e lexitimidade, así como a relación do emir coa elite intelectual que o rodeaba.

 

Unha vez caíu a taifa, os Banū Hūd mantiveron certa parcela do poder baixo a protección de Alfonso VII, en concreto, coa figura de Sayf al-Dawla (Zafadola), até a súa morte, acaecida no ano 1147. Así mesmo, na primeira década do século XIII un líder que se levantou contra os almohades reclamaba a súa descendencia hūdí, polo que a transmisión da memoria dinástica resulta fundamental na análise diacrónica e monográfica desta familia ou esta liñaxe, excepcional no caso da taifa de Zaragoza, pois mesmo se mantén tras a conquista cristiá de Granada no século XV.

 

***

 

Vémonos o 24 de maio, ás 19:00, na aula 5 da Facultade de Xeografía e Historia.

 

 

 

 

 

Please reload

Featured Posts

Junto al arqueólogo Xaquín Ferrer, ha guiado recientemente una ruta consistente en un paseo en lancha desde Curuxeiras hasta el Castillo de San Felipe...

Visita guiada de Rebeca Blanco por el Ferrol fortificado

August 2, 2016

1/2
Please reload

Recent Posts
Please reload