Celtas, castrexos e romanos. Á procura dun pasado na historia de Galicia


A Editorial Xeriais publicou o ensaio de Francisco Javier Gozález García, Celtas, castrexos e romanos. Á procura dun pasado na historia de Galicia.


"Onde se sitúan as orixes dos galegos? É esta unha pregunta á que se lle deron respostas moi diferentes dende hai máis dun século e medio. Segundo a época en que nos situemos, os celtas, os castrexos ou mesmo os romanos foron considerados os nosos devanceiros, tal e como podemos comprobar nos textos dos eruditos e historiadores galegos dos séculos XIX e XX. Celtas, castrexos e romanos sintetiza os principais procesos históricos da Antigüidade galaica: a aparición dos castros e as súas transformacións, o papel da guerra na vida social e cultural das poboacións do noroeste peninsular ou as mudanzas que estas experimentaron tras a conquista romana. Todos estes procesos non poden entenderse sen o protagonismo dos distintos pobos que viviron nun espazo xeográfico que sobordaba o actual territorio de Galicia".


COMO CITAR:

González García, F. J. 2021. Celtas, castrexos e romanos. Á procura dun pasado na historia de Galicia. Vigo: Xerais, 208 p. ISBN 978-84-9121-849-4